ਮੁੱਲਾਂਪੁਰ ਦਾਖਾ/ਜਸਵੀਰ ਸਿੰਘ ਪੂੜੈਣ
ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਉਸ ਮੌਕੇ ਖ਼ੁਸ਼ੀ ਜਸ਼ਨ ਤੇ ਮਾਣ ਦਾ ਮਾਹੌਲ ਛਾ ਗਿਆ ਜਦ ਸਰਕਾਰ ਇਸ ਸੰਸਥਾ ਦੇ ਹੋਣਹਾਰ ਸਾਬਕਾ ਵਿਦਿਆਰਥੀ ਅੰਕੁਸ਼ ਕੁਮਾਰ ਨੇ ਵਿਸ਼ਵ ਬਾਡੀ ਬਿਲਡਿੰਗ ਦੇ ਇਕ ਮੁਕਾਬਲੇ ਵਿੱਚ ਇੱਕ ਦਿਨ ਵਿੱਚ ਚਾਰ ਮੈਡਲ ਜਿੱਤ ਕੇ ਕੀਰਤੀਮਾਨ ਬਣਾਇਆ । ਘਮਣੇਵਾਲ ਪਿੰਡ ਦੇ ਜਾਏ ਤੇ ਪੁੜੈਣ ਸਕੂਲ ਦੇ ਪਡ਼੍ਹਾਏ ਅੰਕੁਸ਼ ਕੁਮਾਰ ਨੇ ਮਿਸਟਰ ਵਰਲਡ ਵਜੋਂ ਘਰ ਵਾਪਸੀ ਕੀਤੀ ।ਸਕੂਲ ਵਿੱਚ ਮੈਡਮ ਪ੍ਰਿੰਸੀਪਲ ਸ੍ਰੀਮਤੀ ਨੀਨਾ ਮਿੱਤਲ ਨੇ ਆਖਿਆ ਕਿ ਸਾਡੇ ਸਭ ਵਿਦਿਆਰਥੀ ਹਮੇਸ਼ਾਂ ਹੀ ਪੁੜੈਣ ਸਕੂਲ ਦੇ ਪਰਿਵਾਰ ਦੇ ਮੈਂਬਰ ਹਨ ; ਜੋ ਆਪਣੀ ਕਾਮਯਾਬੀ ਦੀ ਖੁਸ਼ੀ ਸਾਂਝੀ ਕਰਦੇ ਹਨ । ਹੋਰ ਵਿਦਿਆਰਥੀਆਂ ਨੂੰ ਵੀ ਇਨ੍ਹਾਂ ਕਾਮਯਾਬੀਆਂ ਉੱਤੇ ਤਰੇਲ ਨਾ ਮਿਲਦੀ ਹੈ ।
ਸਕੂਲ ਦੇ ਸਟਾਫ਼ ਤੇ ਵਿਦਿਆਰਥੀਆਂ ਵੱਲੋਂ ਅੰਕੁਸ਼ ਕੁਮਾਰ ਤੇ ਉਸਦੇ ਮਾਤਾ ਜੀ, ਧਰਮ ਪਤਨੀ , ਭਰਾ ਤੇ ਉਸਦੇ ਸਾਥੀ ਜਿੰਮ ਮੈਂਬਰਾਂ ਦਾ ਭਰਵਾਂ ਸਵਾਗਤ ਕੀਤਾ ਗਿਆ ।
ਅੰਕੁਸ਼ ਵੱਲੋਂ ਸਵੇਰ ਸਭਾ ਵਿੱਚ ਵਿਦਿਆਰਥੀਆਂ ਨੂੰ ਫਿੱਟਨੈੱਸ ਟਿਪਸ ਵੀ ਦੱਸੇ ਗਏ । ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੈਡਮ ਰਵਨੀਤ ਕੌਰ, ਮਨਜੀਤ ਕੌਰ, ਗੁਰਿੰਦਰ ਕੌਰ, ਜਸਵਿੰਦਰ ਕੌਰ, ਗੁਰਪ੍ਰੀਤ ਕੌਰ ਗੁਰਪ੍ਰੀਤ ਕੌਰ ਸਾਹਨੀ, ਦਵਿੰਦਰ ਕੌਰ, ਰਮਨਦੀਪ ਕੌਰ, ਧਰਮਿੰਦਰ ਸਿੰਘ ,ਰਾਜਵਿੰਦਰ ਸਿੰਘ, ਹਰਮੇਲ ਸਿੰਘ ਤੇ ਅਨਮੋਲਮਹਿਕਪ੍ਰੀਤ ਸਿੰਘ ਵੀ ਹਾਜ਼ਰ ਸਨ ।