ਖੋਹੀ ਏ ਕੇ 47 ਸਮੇਤ 315 ਬੋਰ ਦੇਸੀ ਪਿਸਤੌਲ ਅਤੇ 5 ਜਿੰਦਾ ਕਾਰਤੂਸ ਬਰਾਮਦ
ਮੋਗਾ, 8 ਦਸੰਬਰ (ਬਿਊਰੋ)
ਜ਼ਿਲ੍ਹਾ ਪੁਲਿਸ ਮੋਗਾ ਨੇ ਬੀਤੇ ਦਿਨੀਂ ਪੁਲਿਸ ਪਾਰਟੀ ਉੱਤੇ ਹਮਲਾ ਕਰਨ ਵਾਲੇ ਪੰਜ ਦੋਸ਼ੀਆਂ ਨੂੰ ਕਾਬੂ ਕਰਕੇ ਉਹਨਾਂ ਕੋਲੋਂ ਖੋਹੀ ਅਸਾਲਟ ਏ ਕੇ 47 ਸਮੇਤ 315 ਬੋਰ ਦੇਸੀ ਪਿਸਤੌਲ ਅਤੇ 5 ਜਿੰਦਾ ਕਾਰਤੂਸ ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਿਲ ਕੀਤੀ ਹੈ।
ਸ੍ਰੀ ਹਰਮਨਬੀਰ ਸਿੰਘ ਗਿੱਲ ਸੀਨੀਅਰ ਪੁਲਿਸ ਕਪਤਾਨ ਮੋਗਾ ਨੇ ਜਾਣਕਾਰੀ ਦਿੱਤੀ ਕਿ ਮਿਤੀ 05.12.20 ਵਜੇ ਰਾਤ ਨੂੰ 11:30 ਵਜੇ ਐਸ.ਆਈ ਮੇਜਰ ਸਿੰਘ 735 / ਮੋਗਾ ਇੱਕ ਪੀਐਚਜੀ ਸੁਖਵਿੰਦਰ ਸਿੰਘ ਨਾਲ ਪਿੰਡ ਜਲਾਲਾਬਾਦ, ਪੀਐਸ ਧਰਮਕੋਟ ਵਿਖੇ 112 ਕਾਲ ਸਬੰਧੀ ਤਫਤੀਸ਼ ਵਿੱਚ ਸ਼ਾਮਲ ਹੋਣ ਲਈ ਗਿਆ ਸੀ। ਵਾਪਸ ਪਰਤਦਿਆਂ ਹੀ ਉਨ੍ਹਾਂ ਨੇ 4/5 ਅਣਪਛਾਤੇ ਵਿਅਕਤੀਆਂ ਨੂੰ ਵੇਖਿਆ, ਜਿਨ੍ਹਾਂ ਵਿਚੋਂ ਇਕ ਨੇ ਆਰਮੀ ਦੀ ਵਰਦੀ ਪਾਈ ਹੋਈ ਸੀ, ਜਿਸ ਤੋਂ ਪੁੱਛਗਿੱਛ ਕੀਤੀ ਗਈ ਕਿ ਉਸ ਨੂੰ ਫੌਜ ਦੀ ਵਰਦੀ ਪਾਉਣ ਦਾ ਹੱਕ ਕਿਸਨੇ ਦਿੱਤਾ ਹੈ। ਫਿਰ, ਉਹ ਪੁਲਿਸ ਪਾਰਟੀ ਨਾਲ ਝਗੜਾ ਕਰਨ ਲੱਗ ਗਏ ਅਤੇ ਪੁਲਿਸ ਪਾਰਟੀ ‘ਤੇ ਇੱਟਾਂ ਨਾਲ ਹਮਲਾ ਕਰਕੇ ਉਨ੍ਹਾਂ ਨੂੰ ਭਾਰੀ ਸੱਟਾਂ ਮਾਰੀਆਂ। ਘਟਨਾ ਵੇਲੇ ਦੋਸ਼ੀ ਸ਼ਰਾਬ / ਨਸ਼ੀਲੇ ਪਦਾਰਥਾਂ ਦੇ ਪ੍ਰਭਾਵ ਹੇਠ ਜਾਪਦੇ ਸਨ।
ਉਹਨਾਂ ਦੱਸਿਆ ਕਿ ਹਮਲਾਵਰ ਪੁਲਿਸ ਪਾਰਟੀ ਦੇ ਏ ਕੇ 47 ਹਥਿਆਰ ਲੈ ਕੇ ਭੱਜ ਗਏ, ਪਰ ਇਸਦਾ ਮੈਗਜ਼ੀਨ ਆਪਣੇ ਪਿੱਛੇ ਛੱਡ ਗਏ। ਉਹ ਸਥਿਤੀ ਦਾ ਜਾਇਜ਼ਾ ਲੈਣ ਲਈ ਖ਼ੁਦ ਤੁਰੰਤ ਮੌਕੇ ‘ਤੇ ਪਹੁੰਚ ਗਏ। ਹਮਲਾਵਰਾਂ ਦੀ ਪਛਾਣ ਕੀਤੀ ਗਈ ਅਤੇ ਹਮਲਾਵਰਾਂ ‘ਤੇ ਤੁਰੰਤ ਸਖਤ ਦਬਾਅ ਪਾਇਆ ਗਿਆ, ਜਿਸ ਕਾਰਨ ਖੋਹਿਆ ਏ ਕੇ 47 ਹਥਿਆਰ ਬਰਾਮਦ ਹੋਇਆ ਅਤੇ 5 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਮੁਲਜ਼ਮ ਵਿਅਕਤੀਆਂ ਦੀ ਪੁੱਛਗਿੱਛ ਦੌਰਾਨ ਉਨ੍ਹਾਂ ਕੋਲੋਂ ਇਕ ਦੇਸੀ 315 ਬੋਰ ਦੀ ਪਿਸਤੌਲ ਅਤੇ 315 ਬੋਰ ਦੇ 5 ਜਿੰਦਾ ਕਾਰਤੂਸ ਵੀ ਬਰਾਮਦ ਕੀਤੇ ਗਏ। ਜੁਰਮ ਵਿਚ ਹਿੱਸਾ ਲੈਣ ਵਾਲੇ 3 ਹੋਰ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਨ ਲਈ ਸਖਤ ਕਦਮ ਅਪਣਾਏ ਜਾ ਰਹੇ ਹਨ।
Leave a Reply