ਚੋਰਾਂ ਨੇ ਬੈਂਕ ਅੰਦਰ ਦਾਖਲ ਹੋ ਵਿਆਕਤੀ ਤੋਂ 50,000 ਰੁਪੈ ਕੀਤੇ ਚੋਰੀ

ਕੋਟ ਈਸੇ ਖਾਂ 20 (ਗੁਰਪ੍ਰੀਤ ਗਹਿਲੀ) ਕੱਲ੍ਹ ਮਿਤੀ 19 ਦਿਨ ਮੰਗਲਵਾਰ ਨੂੰ ਪਿੰਡ ਭਿੰਡਰ ਕਲਾਂ ਨਿਵਾਸੀ ਗੁਲਜਾਰ ਸਿੰਘ ਪੁੱਤਰ ਸਾਧੂ ਸਿੰਘ ਜੋ ਆਪਣੀ ਲਿਮਟ ਦੇ ਪੈਸੇ ਮੋੜਨ ਲਈ ਸਟੇਟ ਬੈਂਕ ਆਫ਼ ਪਟਿਆਲਾ ਪਿੰਡ ਜਲਾਲਾਬਾਦ ਪੂਰਬੀ ਜਿਲਾ ਮੋਗਾ ਵਿਖੇ ਗਿਆ ਸੀ । ਲਗਭਗ ਦਿਨ ਦੇ 11:07 ਮਿੰਟ ਤੇ ਬੈਂਕ ਦੇ ਅੰਦਰ ਦਾਖਲ ਹੋ ਕੇ ਦੋ ਅਣਪਛਾਤੇ ਵਿਅਕਤੀਆਂ ਨੇ ਹੁਸ਼ਿਆਰੀ ਨਾਲ ਗੁਲਜਾਰ ਸਿੰਘ ਜੇਬ ਵਿਚੋਂ 50,000/ ਰੁਪੈ ਨਗਦ ਚੋਰੀ ਕਰ ਲਏ,ਇਹ ਸਾਰੀ ਘਟਨਾ ਬੈਂਕ ਅੰਦਰ ਲੱਗੇ ਸੀ ਸੀ ਟੀ ਵੀ ਕੈਮਰੇ ਵਿੱਚ ਰਿਕਾਰਡ ਹੋ ਗਈ । ਅਤੇ ਉਕਤ ਦੋਸੀ ਮੌਕੇ ਦਾ ਫਾਇਦਾ ਉਠਾ ਕੇ ਮੋਟਰਸਾਈਕਲ ਤੇ ਸਵਾਰ ਹੋ ਕੇ ਰਫੂ ਚੱਕਰ ਹੋ ਗਏ । ਇਸ ਸਮੇਂ ਬੈਂਕ ਅੰਦਰ ਗੰਨਮੈਨ ਅਤੇ ਸਾਰਾ ਸਟਾਫ ਵੀ ਹਾਜ਼ਰ ਸੀ । ਇਸ ਘਟਨਾ ਬਾਰੇ ਪੀੜਤ ਗੁਲਜਾਰ ਸਿੰਘ ਨੇ ਥਾਣਾ ਧਰਮਕੋਟ ਵਿਖੇ ਸਿਕਾਇਤ ਦਰਜ ਕਰਵਾ ਦਿੱਤੀ ਗਈ ਹੈ । ਜਿਸ ਦੇ ਅਧਾਰ ਤੇ ਪੁਲਿਸ ਨੇ ਦੋਸ਼ੀਆਂ ਦੀ ਭਾਲ ਸੁਰੂ ਕਰ ਦਿੱਤੀ ਹੈ ।