May 22, 2024

ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਦੇਵ ਜੀ

1 min read

ਕਿਵੇਂ ਸਦੀਆਂ ਦੇ ਕਈ ਸਾਲੀ ਬੀਤੇ ਤੈਨੂੰ ਦੁੱਖੜੇ ਖੋਲ ਸੁਣਾਵਾਂ

ਕੁੱਲ ਦੁਨੀਆਂ ਸੀ ਤਾਰੀ ਤੇ ਤੈਨੂੰ ਦੱਸ ਕਿਵੇਂ ਭੁੱਲ ਜਾਵਾਂ

ਇੱਥੇ ਕੂੜ ਹੋਇਆ ਪ੍ਰਧਾਨ ਤੇ ਫਿਰਦੇ ਸੱਜਣ ਠੱਗ ਵਪਾਰੀ

ਬਾਬਾ ਜੀ ਤੇਰੇ ਦਰਸਨ ਨੂੰ ਦੁਨੀਆਂ ਲੱਭਦੀ ਫਿਰਦੀ ਸਾਰੀ ।

 

ਤੇਰੇ ਦਿੱਤੇ ਹੋਏ ਉਪਦੇਸ਼ ਨੂੰ ਅੱਜ ਸਭ ਨੇ ਫੇਰ ਭੁਲਾਇਆ

ਉੱਤਰ ਦੱਖਣ ਆ ਕੇ  ਵੇਖੀਂ ਕਿਵੇ ਜਾਦੂ ਟੂਣਾ ਚਲਾਇਆ

ਨਾ ਕਿਰਤ ਕਰਨ ਨਾ ਵੱਡ ਸਕੇ, ਇੱਥੇ ਥਾਂ ਥਾਂ ਫਿਰਨ ਲਾਚਾਰੀ

ਬਾਬਾ ਜੀ ਤੇਰੇ ਦਰਸਨ ਨੂੰ ਦੁਨੀਆਂ ,,,,,   ,

ਹਿੰਦੁਸਤਾਨ ਦੇ ਹੋ ਗਏ ਟੁਕੜੇ ਸਭ ਕੁਝ ਖੋਹ ਕੇ ਲੈ ਗਏ

ਪੰਜਾ ਤੇ ਨਨਕਾਣਾ ਸਾਹਿਬ ਸਾਡੇ ਸੁਪਨੇ ਬਨਕੇ ਰਹਿ ਗਏ

ਕਿਹਨੇ ਮੱਥਾ ਟੇਕਣ ਜਾਣਾ ਨਾ ਕੋਈ ਮਿਲਦੀ ਹੈ ਰਾਹਦਾਰੀ

ਬਾਬਾ ਜੀ ਤੇਰੇ ਦਰਸਨ ਨੂੰ ਦੁਨੀਆਂ,,,,,,,,,,,,,,,,,,,,,

ਥੋੜ੍ਹੇ ਬਹੁਤ ਜਗਾ ਕੇ ਦੀਵੇ ਤੇਰੀ ਰਹਿੰਦੇ ਅਲਖ ਜਗਾਉਂਦੇ

ਭਰ ਦਿੰਦੇ ਅਖਬਾਰਾਂ ਤੇ ਆਪਣਾਂ ਬਿਜ਼ਨਸ ਖੂਬ ਚਲਾਉਂਦੇ

ਉਤੋਂ ਫੋਕੀਆ ਦੇਣ ਵਧਾਈਆਂ ਤੇ ਪੂਰੀ ਕਰਦੇ ਖਾਤਰਦਾਰੀ

ਬਾਬਾ ਜੀ ਤੇਰੇ ਦਰਸਨ ਨੂੰ ਦੁਨੀਆਂ ਲੱਭਦੀ ਫਿਰਦੀ ਸਾਰੀ ।

 

ਬਸ ਚਾਰੇ ਕੂਟ ਹਨੇਰਾ ਤੇ ਤੈਨੂੰ ਸੌ ਦੀ ਇੱਕ ਸੁਣਾਵਾਂ

ਗਰੀਬ ਤਰਸਦੇ ਰੋਟੀ ਨੂੰ ਤੇ ਕੁੱਤੇ ਖਾਂਦੇ ਖੀਰ ਦਿਖਾਵਾ

ਦੱਸੇ ‘ਦੇਵ ਘੋਲੀਏ’ ਵਾਲਾ ਹਰ ਕੋਈ ਬਣਿਆ ਫਿਰੇ ਹੰਕਾਰੀ

ਬਾਬਾ ਜੀ ਤੇਰੇ ਦਰਸਨ ਨੂੰ ਦੁਨੀਆਂ ਲੱਭਦੀ ਫਿਰਦੀ ਸਾਰੀ ।

ਦੇਵ ਘੋਲੀਆ ਖੁਰਦ

(ਫਰਿਜ਼ਨੋ) 559-232-7764

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.