ਮੁੱਲਾਂਪੁਰ ਦਾਖਾ (ਜਸਵੀਰ ਪੁੜੈਣ)

ਜ਼ਿਲਾ ਲੁਧਿਆਣਾ ਦੇ ਕਲਾ ਉਤਸਵ ਮੁਕਾਬਲੇ ਮਿਤੀ 12 ਅਕਤੂਬਰ ਨੂੰ ਮਾਲਵਾ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਲੁਧਿ. ਵਿਖੇ ਹੋਏ । ਜਿਨਾਂ ਵਿੱਚ ਸ.ਸੀ.ਸੈ.ਸਕੂਲ ਪੁੜੈਣ ਦੇ ਵਿਦਿਅਸਰਥੀਆਂ ਨੇ ਚੰਗੀ ਛਾਪ ਛੱਡੀ ।
ਦਿਵਿਆਂਗ ਵਿਦਿਆਰਥੀਆਂ ਦੇ ਚਿਤਰਕਾਰੀ ਮੁਕਾਬਲੇ ਵਿੱਚ ਜਸਵੀਰ ਕੌਰ ਨੂੰ ਵਿਸ਼ੇਸ਼ ਪ੍ਰਮਾਣ ਪੱਤਰ ਨਾਲ਼ ਸਨਮਾਨਿਆ ਗਿਆ ।
ਸੋਲੋ ਐਕਟਿੰਗ ਮੁਕਾਬਲੇ ਵਿੱਚ ਬਾਰਵੀਂ ਜਮਾਤ ਦੀ ਵਿਦਿਆਰਥਣ ਖੁਸ਼ਪ੍ਰੀਤ ਕੌਰ ਨੇ ਡਾ.ਇੰਦਰਜੀਤ ਕੌਰ,ਮੁੱਖ – ਸੇਵਾਦਾਰ ਪਿੰਗਲਵਾੜਾ ਦੇ ਪਰਉਪਕਾਰੀ ਜੀਵਨ ਦੀਆਂ ਝਲਕਾਂ ਨੂੰ ਬਾਕਮਾਲ ਅਦਾਕਾਰੀ ਨਾਲ਼ ਪੇਸ਼ ਕੀਤਾ ਤੇ ਜ਼ਿਲੇ ‘ਚੋਂ ਪਹਿਲਾ ਸਥਾਨ ਪ੍ਰਾਪਤ ਕੀਤਾ । ਉੱਘੇ ਰੰਗ ਕਰਮੀ ਅਮਨ ਪਰਵਾਜ਼ ਦੀ ਅਦਾਕਾਰੀ ਤੋਂ ਪ੍ਰਭਾਵਿਤ ਇਸ ਵਿਦਿਆਰਥਣ ਤੋਂ ਅੱਗੇ ਵੀ ਬਹੁਤ ਆਸਾਂ ਹਨ ।
ਲੋਕ – ਨਾਚ ਮੁਕਾਬਲੇ ਵਿੱਚ ਗਿਆਰਵੀਂ ਸ਼੍ਰੇਣੀ ਦੇ ਵਿਦਿਆਰਥੀ ਗੁਰਮਨ ਸਿੰਘ ਨੇ ਬਾਬੇ ਬੁੱਲੇ ਸ਼ਾਹ ਦੇ ਪੰਜਾਬ ਦੀ ਤਸਵੀਰ ਪੇਸ਼ ਕਰਦਿਆਂ ਦੂਜਾ ਸਥਾਨ ਹਾਸਲ ਕੀਤਾ ।
ਸਕੂਲ ਪ੍ਰਿੰਸੀਪਲ ਮੈਡਮ ਸ਼੍ਰੀਮਤੀ ਨੀਨਾ ਮਿੱਤਲ ਜੀ ਨੇ ਜੇਤੂ ਵਿਦਿਆਰਥੀਆਂ ਅਤੇ ਅਗਵਾਈਕਾਰ ਅਧਿਆਪਕਾਂ ਦੀ ਹੌਸਲਾ ਅਫ਼ਜ਼ਾਈ ਕੀਤੀ ।