ਮੋਗਾ, 17 ਦਸੰਬਰ
(ਜਗਰਾਜ ਸਿੰਘ ਗਿੱਲ, ਮਨਪ੍ਰੀਤ ਮੋਗਾ)
ਜ਼ਿਲ੍ਹਾ ਰੋਜ਼ਾਗਰ ਜਨਰੇਸ਼ਨ ਅਤੇ ਕਾਰੋਬਰ ਬਿਊਰੋ ਅਫ਼ਸਰ ਮੋਗਾ ਸ੍ਰੀਮਤੀ ਪਰਮਿੰਦਰ ਕੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬਰਨਾਲਾ ਦੀ ਟਰਾਈਡੈਂਟ ਕੰਪਨੀ ਵਿਖੇ ਵੱਖ ਵੱਖ ਆਸਾਮੀਆਂ ਲਈ ਉਨ੍ਹਾਂ ਲੜਕੀਆਂ ਦੀ ਲੋੜ ਹੈ, ਜਿੰਨ੍ਹਾਂ ਦੀ ਉਮਰ-18 ਤੋਂ 26 ਸਾਲ, ਘੱਟੋ-ਘੱਟ 10ਵੀਂ ਪਾਸ ਹੋਣ। ਉਨ੍ਹਾਂ ਦੱਸਿਆ ਕਿ ਕੰਪਨੀ ਵੱਲੋਂ ਇਨ੍ਹਾਂ ਲੜਕੀਆਂ ਨੂੰ 18 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਦਿੱਤੀ ਜਾਵੇਗੀ ਉਨ੍ਹਾਂ ਦੱਸਿਆ ਕਿ ਲੜਕੀਆਂ ਨੂੰ ਹੋਸਟਲ ਦੀ ਸੁਵਿਧਾ ਮੁਫ਼ਤ ਮੁਹੱਈਆ ਕਰਵਾਈ ਜਾਵੇਗੀ।
ਸ੍ਰੀਮਤੀ ਪਰਮਿੰਦਰ ਕੌਰ ਨੇ ਦੱਸਿਆ ਕਿ ਚਾਹਵਾਨ ਲੜਕੀਆਂ ਆਪਣਾ ਆਧਾਰ ਕਾਰਡ, ਪੈਨ ਕਾਰਡ ਜਾਂ ਪੈਨ ਕਾਰਡ ਦੀ ਅਪਲਾਈ ਰਸੀਦ, 10ਵੀਂ ਦਾ ਸਰਟੀਫਿਕੇਟ, ਤਿੰਨੇ ਦਸਤਾਵੇਜ ਲਿਆ ਕੇ ਕਾਉਂਸਲਿੰਗ ਲਈ ਆਉਣ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਤਿੰਨਾਂ ਦਸਤਾਵੇਜਾਂ ਵਿੱਚ ਉਮੀਦਵਾਰ ਦਾ ਆਪਣਾ ਨਾਮ, ਜਨਮ ਤਰੀਕ ਅਤੇ ਪਿਤਾ ਦਾ ਨਾਮ ਇੱਕੋ ਜਿਹੇ ਹੋਣੇ ਜਰੂਰੀ ਹਨ।ਟਰਾਈਡੈਂਟ ਕੰਪਨੀ ਵਿੱਚ ਕੰਮ ਕਰਨ ਦੀਆਂ ਚਾਹਵਾਨ ਲੜਕੀਆਂ ਦੀ ਕਾਉਂਸਲਿੰਗ ਜਿਲਾ ਰੋਜਗਾਰ ਦਫਤਰ, ਡੀ.ਏ.ਸੀ ਕੰਪਲੈਕਸ, ਚਨਾਬ ਜੇਹਲਮ ਬਿਲਡਿੰਗ, ਤੀਜੀ ਮੰਜਿਲ, ਨੈਸਲੇ ਫੈਕਟਰੀ ਦੇ ਸਾਹਮਣੇ, ਮੋਗਾ ਵਿਖੇ 21 ਦਸੰਬਰ 2020 ਦਿਨ ਸੋਮਵਾਰ, ਦੁਪਹਿਰ 12 ਵਜੇ ਹੋਵੇਗੀ। ਕਾਉਂਸਲਿੰਗ ਤੋਂ ਬਾਅਦ ਲੜਕੀਆਂ ਦੀ ਇੰਟਰਵਿਊ ਕਰਵਾਈ ਜਾਵੇਗੀ। ਉਨ੍ਹਾਂ ਅੱਗੇ ਕਿਹਾ ਕਿ ਵਧੇਰੇ ਜਾਣਕਾਰੀ ਲਈ ਫੋਨ 62392-66860 ਉੱਪਰ ਸੰਪਰਕ ਵੀ ਕੀਤਾ ਜਾ ਸਕਦਾ ਹੈ।