ਮੋਗਾ
ਜਗਰਾਜ ਸਿੰਘ ਗਿੱਲ
ਆਉਂਦੀਆਂ ਗੁਜਰਾਤ ਵਿਧਾਨ ਸਭਾ ਚੋਣਾਂ ਵਿੱਚ ਇਸ ਵਾਰ ਆਮ ਆਦਮੀ ਪਾਰਟੀ ਵੱਲੋਂ ਆਪਣੇ ਉਮੀਦਵਾਰ ਉਤਾਰੇ ਗਏ ਹਨ ਤੇ ਵੱਡੇ ਪੱਧਰ ਤੇ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ,ਇਸ ਚੋਣ ਪ੍ਰਚਾਰ ਨੂੰ ਅੱਗੇ ਵਧਾਉਂਦੇ ਹੋਏ ਆਮ ਆਦਮੀ ਪਾਰਟੀ ਦੇ ਟਕਸਾਲੀ ਆਗੂ ਗੁਰਵਿੰਦਰ ਸਿੰਘ ਡਾਲਾ ਸੰਯੁਕਤ ਸੂਬਾ ਸਕੱਤਰ ਪੰਜਾਬ ਨੇ ਆਪਣੀ ਟੀਮ ਸਮੇਤ ਗੁਜਰਾਤ ਵਿਧਾਨ ਸਭਾ ਹਲਕਾ ਨੰਦੋਡ਼ ਜਿਲ੍ਹਾ ਛੋਟਾ ਉਧੇਪੁਰ ਲਈ ਆਮ ਆਦਮੀ ਪਾਰਟੀ ਦੀ ਹਾਈਕਮਾਂਡ ਵੱਲੋਂ ਲਗਾਈ ਗਈ ਡਿਊਟੀ ਦੌਰਾਨ ਚੋਣਾਂ ਤਕ ਇੱਥੇ ਰਹਿਣਗੇ ਅਤੇ ਇਸ ਹਲਕੇ ਵਿੱਚ ਆਪਣੀ ਟੀਮ ਸਮੇਤ ਰਵਾਨਾ ਹੋ ਚੁੱਕੇ ਹਨ। ਉਨ੍ਹਾਂ ਵੱਲੋ ਇਸ ਵਿਧਾਨ ਸਭਾ ਹਲਕੇ ਵਿੱਚ ਇਸ ਹਲਕੇ ਦੇ ਉਮੀਦਵਾਰ ਡਾ. ਪਰਫੁੱਲ ਵਧਾਵਾ ਨਾਲ ਚੋਣ ਪ੍ਰਚਾਰ ਕੀਤਾ ਜਾਵੇਗਾ ਅਤੇ ਇਸ ਹਲਕੇ ਵਿੱਚ ਪੂਰੀ ਚੋਣ ਦੀ ਜ਼ਿੰਮੇਵਾਰੀ ਗੁਰਵਿੰਦਰ ਸਿੰਘ ਡਾਲਾ ਨੂੰ ਦਿੱਤੀ ਗਈ ਹੈ,ਉਨ੍ਹਾਂ ਨਾਲ ਉਨ੍ਹਾਂ ਦੀ ਪੂਰੀ ਟੀਮ ਜਿਨ੍ਹਾਂ ਵਿਚ ਹਲਕਾ ਕੋਆਰਡੀਨੇਟਰ ਬਸੰਤ ਸਿੰਘ ਡਾਲਾ,ਵਿਜ਼ੀਬਿਲਟੀ ਕੋਆਰਡੀਨੇਟਰ ਇੰਦਰਜੀਤ ਸਿੰਘ ਧਰਮਕੋਟ,ਮਨਜਿੰਦਰ ਸਿੰਘ,ਲਖਵੀਰ ਸਿੰਘ ਹਰੀਏਵਾਲਾ,ਕੁਲਦੀਪ ਸਿੰਘ ਨੰਬਰਦਾਰ ਮਾਛੀਕੇ,ਚਿਮਨ ਲਾਲ ਹੈਪੀ ਅਤੇ ਹੋਰ ਬਹੁਤ ਸਾਰੇ ਵਰਕਰ ਇਸ ਚੋਣ ਪ੍ਰਚਾਰ ਵਿੱਚ ਉਨ੍ਹਾਂ ਦੀ ਮਦਦ ਕਰਨਗੇ।