ਮੁਲਾਂਪੁਰ ਦਾਖਾਂ 16 ਅਗਸਤ (ਜਸਵੀਰ ਪੁੜੈਣ) ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪੁੜੈਣ, ਤਹਿਸੀਲ: ਜਗਰਾਉਂ, ਜ਼ਿਲ੍ਹਾ: ਲੁਧਿਆਣਾ ਦੀ ਕੰਪਿਊਟਰ ਅਧਿਆਪਕਾ ਸ੍ਰੀਮਤੀ ਗੁਰਪ੍ਰੀਤ ਕੌਰ ਸਾਹਨੀ ਨੇ ਹਾਲ ਹੀ ਵਿੱਚ ਹੋਏ ਅਧਿਆਪਕ ਫ਼ੈਸਟ ਵਿਚ ਕੰਪਿਊਟਰ ਨਾਲ਼ ਸਬੰਧਿਤ ਨਵੀਂ ਐਪ, ਗੇਮ ਅਤੇ ਟੀਚਿੰਗ ਏਡ ਮੁਕਾਬਲੇ ਵਿੱਚ ਬਲਾਕ ਸਿੱਧਵਾਂ ਬੇਟ-2 ਵਿੱਚੋਂ ਪਹਿਲਾ ਸਥਾਨ ਹਾਸਲ ਕੀਤਾ । ਅਧਿਆਪਕਾ ਵੱਲੋਂ ਤਿਆਰ ਕੀਤੀ ਗਈ ਏਡ ਨੂੰ ਬਲਾਕ ਵਿੱਚੋਂ ਸਰਵੋਤਮ ਚੁਣਿਆ ਗਿਆ । ਹੁਣ ਇਹ ਅਧਿਆਪਕਾ ਲੁਧਿਆਣਾ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਵਿੱਚ ਬਲਾਕ ਦੀ ਨੁਮਾਇੰਦਗੀ ਕਰੇਗੀ । ਗੁਰਪ੍ਰੀਤ ਕੌਰ ਸਾਹਨੀ ਮੈਡਮ ਨੂੰ ਮੁਬਾਰਕਬਾਦ ਦਿੰਦਿਆਂ , ਸਕੂਲ ਪ੍ਰਿੰਸੀਪਲ ਸ੍ਰੀਮਤੀ ਨੀਨਾ ਮਿੱਤਲ ਨੇ ਅਧਿਆਪਕਾਂ ਵੱਲੋਂ ਆਪਣੇ ਆਪ ਨੂੰ ਨਵੀਨਤਾ ਅਤੇ ਸਿਰਜਣਾਤਮਕਤਾ ਨਾਲ਼ ਜੋੜੇ ਜਾਣ ਉਪਰ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ । ਸਮੂਹ ਸਕੂਲ ਸਟਾਫ਼ ਅਤੇ ਵਿਦਿਆਰਥੀਆਂ ਵਿੱਚ ਇਸ ਜਿੱਤ ਨਾਲ਼ ਖੁਸ਼ੀ ਦੀ ਲਹਿਰ ਦੌੜ ਗਈ ਹੈ ।
